Электронныя звароты

Электронныя звароты могуць быць накіраваныя ў Фонд сацыяльнай абароны насельніцтва Міністэрства працы і сацыяльнай абароны Рэспублікі Беларусь (далей – Фонд) па электроннай поште fsp@ssf.gov.by або праз рубрыку «Электронныя звароты» на сайце Фонду. 

Перад зваротам абавязкова азнаёмцеся з правіламі.

Электронныя звароты, якія  паступілі ў Фонд сацыяльнай абароны насельніцтва, першапачаткова падлягаюць разгляду па сутнасці ў адпаведнасці з кампетэнцыяй: 

у тэрытарыяльных органах Фонду, размешчаных у межах той адміністрацыйна-тэрытарыяльнай адзінкі, на тэрыторыі якой узніклі пытанні, выкладзеныя ў зваротах;
у іншых дзяржаўных органах, іншых арганізацыях, калі пытанні, выкладзеныя ў зваротах, адносяцца да выключнай кампетэнцыі гэтых органаў ці арганізацый.

Электронныя звароты, якія змяшчаюць пытанні, рашэнне якіх не адносіцца да кампетэнцыі Фонду, на працягу пяці працоўных дзён накіроўваюцца ў дзяржаўныя органы, арганізацыі для разгляду ў адпаведнасці з іх кампетэнцыяй з паведамленнем заяўнікам у той жа тэрмін або ў той жа тэрмін у парадку, устаноўленым Законам Рэспублікі Беларусь «Аб зваротах грамадзян і юрыдычных асоб» (далей – Закон), Фонд пакідае такія звароты без разгляду па сутнасці і паведамляе аб гэтым заяўнікам з растлумачэннем аб тым, у якую арганізацыю патрэбна звярнуцца для рашэння пытанняў, выкладзеных у зваротах.   

Электронныя звароты, у якіх абскарджваюцца судовыя пастановы, не пазней  за пяць працоўных дзён вяртаюцца заяўнікам з растлумачэннем ім парадку абскарджвання судовых пастаноў.

Электронныя звароты, якія змяшчаюць інфармацыю аб злачынстве, якое рыхтуецца, здзяйсняецца ці здзейснена або іншым правапарушэнні, не пазней за пяць працоўных дзён накіроўваюццая Фондам ў адпаведныя праваахоўныя ці іншыя дзяржаўныя органы.

Электронныя звароты павінны адпавядаць патрабаванням, якія ўстаноўлены ў артыкулах 12, 25 Закона.

Звароты грамадзян і індывідуальных прадпрымальнікаў  павінны змяшчаць:

• найменне і (ці) адрас арганізацыі або пасаду асобы, якім накіроўваецца зварот;
• прозвішча, уласнае імя, імя па бацьку або ініцыялы грамадзяніна, адрас яго месца жыхарства (месца знаходжання);
• выклад сутнасці звароту;
• адрас электроннай пошты заяўніка.
  

Звароты юрыдычных асоб павінны змяшчаць:

• найменне і (ці) адрас арганізацыі або пасаду асобы, якім накіроўваецца зварот;
• поўнае найменне юрыдычнай асобы і яго месца знаходжання;
• выклад сутнасці звароту;
• прозвішча, уласнае імя, імя па бацьку (калі такое маецца) або ініцыялы кіраўніка ці асобы, упаўнаважанай ва ўстаноўленым парадку падпісваць звароты;
• адрас электроннай пошты заяўніка.
  

Да электронных зваротаў, якія падаюцца прадстаўнікамі заяўнікаў, павінны прыкладацца электронныя копіі дакументаў, якія падцвярджаюць іх паўнамоцтвы.

У электронных зваротах  грамадзян, індывідуальных прадпрымальнікаў, а таксама юрыдычных асоб павінна ўтрымлівацца інфармацыя аб выніках іх папярэдняга  разгляду ў тэрытарыяльных органах Фонду з прыкладаннем (пры наяўнасці) пацвярджаючых гэтую інфармацыю дакументаў.

У адпаведнасці з арт.16 і п.3 арт.25 Закона заяўнік мае права адклікаць свой зварот да разгляду яго па сутнасці шляхам падачы адпаведнай пісьмовай (электроннай) заявы або накіравання заявы ў электроннай форме тым жа спосабам, якім быў накіраваны электронны зварот.

У выпадку адклікання заяўнікам свайго звароту Фонд спыняе разгляд гэтага звароту па сутнасці і вяртае заяўніку арыгіналы дакументаў, прыкладзеных да звароту.

Адказы Фонду на зварот ці рашэнне аб пакіданні звароту без разгляду па сутнасці могуць быць абскарджаны ў Міністэрстве працы і сацыяльнай абароны Рэспублікі Беларусь (220004, г.Мінск, пр-т Пераможцаў, 23, к.2).

На падставе арт.15 Закона электронныя звароты могуць быць пакінутыя без разгляду па сутнасці, калі:

• звароты не адпавядаюць патрабаванням, пряд’яўленым да зместу электроннага звароту;
• звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым  працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты  з’являюцца зваротамі работніка да наймальніка або ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў;
• звароты змяшчаюць пытанні, рашэнне якіх не адносіцца да кампетэнцыі Фонду;
• прапушчаны без уважлівай прычыны тэрмін падачы скаргі;
• заяўнікам пададзены паўторны зварот і ў ім не змяшчаюцца новыя абставіны, якія маюць значэнне для разгляду звароту па сутнасці;
• з заяўнікам спынена перапіска па змешчаных у звароце пытаннях.
  

Адказы (паведамленні) на электронныя звароты накіроўваюцца на адрас электроннай пошты заяўнікаў, пазначаны ў электронных зваротах.

На электронныя звароты даюцца пісьмовыя адказы (накіроўваюцца пісьмовыя паведамленні) у выпадках, калі:

• заяўнік у сваім электронным звароце просіць накіраваць пісьмовы адказ або адначасова накіраваць пісьмовы адказ і адказ на адрас яго электроннай пошты;
• у электронным звароце ўказаны адрас электроннай пошты, па якім па тэхнічных прычынах не ўдалося даставіць адказ (паведамленне).